Sosial

Ana səhifə

Sosial

III ixtisas qrupunun imtahanlarında iştirak edən abituriyentlər iyunun 27-dən imtahana buraxılış vərəqələrini çap edə biləcəklər

24 iyun 2011 10:04 (UTC +04:00)

Bakı. Kəmalə Quliyeva – APA. III ixtisas qrupunun imtahanlarında iştirak edən abituriyentlər iyunun 27-dən imtahana buraxılış vərəqələrini çap edə biləcəklər. APA-nın məlumatına görə, Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib ki, artıq Təhsil Nazirliyi məzunların attestat qiymətlərini elan edib və orta məktəb məzunlarının builki bazası bu gün axşam TQDK-ya təqdim ediləcək: “Attestat bazası bu gün təqdim edilsə, komissiya bu ilin məzunlarının attestat qiymətlərini abituriyentlərin elektron ərizələrinə daxil edə biləcək. Əvvəlki illərin məzunlarının ərizələrinə attestat qiymətləri daxil edildiyi üçün onların elektron ərizələri artıq təsdiqlənib”.
TQDK sədrinin sözlərinə görə, bu il ali və orta ixtisas məktəblərinə sənəd verən 110000-dən çox abituriyentin 63150 nəfəri bu ilin məzunudur: “Builki məzunlardan 58720-si ərizəsində şagird kodunu göstərib. Amma 860 nəfər şagird kodunu səhv qeyd edib. Onlar buna görə sənəd qəbulu komissiyalarına müraciət etməlidirlər”.
TQDK sədri deyib ki, Azərbaycanın bəzi ərazilərində - Naxçıvanda, Zaqatalanın bir neçə məktəbində buraxılış imtahanları keçirilmədiyindən həmin ərazilərin 4 430 məzunu bu il mərkəzləşdirilmiş qaydada buraxılış imtahanı verməyib. Bu səbəbdən onların elektron ərizələrində şagird kodu göstərilməyib. 57 660 abituriyentin ərizəsi TQDK tərəfindən avtomatik təsdiqlənəcək.

TQDK_İmtahan