Sosial

Ana səhifə

Sosial

Azərbaycan prezidenti: “Gələn il Bakıdakı bütün məktəblərin təmir-tikinti işləri başa çatacaq”

15 sentyabr 2012 20:41 (UTC +04:00)

APA-nın xəbərinə görə, bu məktəb əsaslı təmir olunaraq, yenidən qurulub.

Prezident məktəbin şagird və müəllim heyətini salamlayaraq, məktəbin tarixindən danışıb, burda aparılan təmir işlərinin gedişi ilə bağlı mütəmadi məlumat aldığını bildirib. Ölkə başçısı qeyd edib ki, ötən il Bakıda 60-dan çox məktəb əsaslı təmir edilib, bu il isə 81 məktəb təmir edilir və yeni texnologiya ilə təmin olunur.

Prezident deyib ki, gələn ilin sonuna qədər Bakıdakı məktəblərin problemləri tamamilə həll olunacaq: “Gələn il 120 məktəbin əsaslı təmiri nəzərdə tutulur. Beləliklə, Bakıda yararsız, təmirsiz, qəzalı vəziyyətdə məktəb olmayacaq”.

Ölkə başçısı qeyd edib ki, son illər ərzində Azərbaycanın bölgələrində 2200-dən artıq məktəb binası tikilib və təmir edilib: “Bu proses davam edir və gələn ilin sonuna qədər çalışacağıq ki, bütün bölgələrdə əksər məktəblər təmir edilsin”.

Prezident qeyd edib ki, məktəblərdə təhsilin səviyyəsinin yüksək olması isə müəllimlərdən asılıdır. Ölkə başçısı qeyd edib ki, intellektual potensialın artmasına, peşəkar kadrlaeın yetişməsinə diqqət artırılmalıdır: “Nəticə etibarilə hər şey insanlardan asılıdır. Sənin neftin də, qazın da çox ola bilər, əgər peşəkar insanların, kadrların yoxdursa, bunun heç bir əhəmiyyəti olmayacaq. Ona görə, müasir dünyada həm özünə yer tapmaq, həm ölkəyə fayda gətirmək üçün mütləq uşaqlar yaxşı oxumalıdır”.

Ölkə başçısı bildirib ki, Azərbaycandakı bu günükü vəziyyətdə hər bir insanın uğuru onun əlindədir: “ Azərbaycanda azadlıq, sərbəstlik var, bazar iqtisadiyyatı prinsipləri hökm sürür və hər bir insanın taleyi onun öz əlindədir”.

Prezident ölkəni və hər bir şəxsi irəli apara biləcək amilləri də xatırladıb: “Ümid edirəm ki, bizim bütün məktəblərdə vətənpərvərlik mövzusu daim gündəlikdədir. Vətənə bağlılıq, sevgi, peşəkarlıq və yüksək biliyə malik olmaq - bunlar ölkəmizi qabağa aparacaq”.