Sosial

Ana səhifə

Sosial

Səhiyyə nazirinin müavini: “Dünyada olduğu kimi, Azərbaycanda da ürək xəstəlikləri ölüm göstəricisinə görə ilk yerdədir”

29 sentyabr 2012 09:54 (UTC +04:00)

Bakı. Kəmalə Quliyeva – APA. 29 sentyabr - Dünya Ürək Günü münasibətilə Mərkəzi Klinika ilə ABŞ-ın MAYO Klinikası ortaq toplantı keçirib. APA-nın xəbərinə görə, tədbirdə çıxış edən səhiyyə nazirinin müavini Elsevər Ağayev bildirib ki, Dünya Ürək Günü 13 il əvvəl Dünya Ürək Federasiyası tərəfindən təsis olunub. Hazırda bu gün dünyanın 100-dən artıq ölkəsində qeyd edilir.

E. Ağayev deyib ki, Azərbaycan 3-cü ildir Dünya Ürək Günü ilə əlaqədar tədbirlərə qoşulur: “Bu günü qeyd etməyin əsas məqsədi insanları sağlam həyat tərzinə dəvət etməkdir. Çünki ürək xəsətəlikləri bütün dünyada ölüm göstəricisinə görə birinci yerdə dayanır. Hər il dünyada 17 milyon insan ürək xəstəliklərindən dünyasını dəyişir. Azərbaycanda da ürək xəstəlikləri ölüm göstəricisinə görə ilk yerdədir. Ona görə də əhali arasında maarifləndirmə təbirlərinin keçirilməsinə böyük ehtiyac var”.

E. Ağayev qeyd edib ki, Azərbaycanda sovet dönəmində də ürək əməliyyatları keçirilib. Azərbayacn müstəqillik əldə etdikdən sonra isə ilk ürək əməliyyatları Mərkəzi Klinikada gerçəkləşib: “2000-ci ildən bəri bu xəstəxanada 7000-dən çox, son bir ildə isə 1000-dən artıq ürək əməliyyatı aparılıb. Sevindirici haldır ki, hazırda Azərbaycandakı bir sıra xəstəxanalar, o cümlədən regionlarda açılan müalicə-diaqnostika mərkəzləri orqan transplantasiyası və açıq ürək əməliyyatları keçirməyə imkan verir”.