Sosial

Ana səhifə

Sosial

“Regionların sosial-iqtisadi inkişafı Dövlət Proqramı” ilə əlaqədar Xaçmazda sorğu keçirilib

24 may 2007 11:36 (UTC +04:00)

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) təşəbbüsü ilə Azərbaycanda Regional İnkişaf Mərkəzi (ARİM) “Regionların sosial-iqtisadi inkişafı Dövlət Proqramı (2004-2008-ci illər)” ilə əlaqədar Xaçmaz rayonunda sorğu keçirib. ARİM-in rəhbəri Çingiz İsmayılov bildirib ki, sorğu 150 nəfər arasında keçirilib, respondentlərə 13 sual verilib.
“Sizin yaşayış rifahınız son 1 ildə yaxşılaşıbmı” sualına respondentlərin 59 faizi “Yox”, 30 faizi “Nisbətən”, 11 faizi “Hə” cavabını verib.
“Aylıq məvacibiniz ailənizin minimal tələblərini ödəyirmi” sualına respondentlərin 5 faizi yüksək, 46 faizi orta dərəcədə təmin etdiyini bildirib, 49 faiz isə suala inkar cavabı verib.
“Rayonlarda aparılan iqtisadi islahatlar sizi maraqlandırırmı” sualına rəyi soruşulanların 32 faizi “Hə”, 39 faizi “Nisbətən”, 29 faizi “Yox” cavabını verib.
ARİM-in əməkdaşı Zaur İmrani regionlarda aparılan iqtisadi islahatlarda bələdiyyələrin iştirak edə bilmədiyini deyib və bunu vəsait çatışmazlığı ilə əlaqələndirib. /APA/