Sosial

Ana səhifə

Sosial

ANAMA ilə “Rotari İnternational” təşkilatının Bakı klubu arasında anlaşma Memorandumu imzalanacaq

04 iyun 2007 14:23 (UTC +04:00)

Sabah Ərazilərin Minalardan Təmizlənməsi üzrə Dövlət Agentliyi (ANAMA) və “Rotari İnternational” təşkilatının Bakı klubu arasında anlaşma Memorandumu imzalanacaq. ANAMA-nın mətbuat xidmətindən APA-ya verilən məlumata görə, minalardan təmizləmə və minadan zərər çəkmiş şəxslərə yardım məsələlərində birgə fəaliyyəti nəzərdə tutan sənədi agentliyin direktoru Nazim İsmayılov və klubun rəhbəri doktor Racani imzalayacaq. Sonra “Rotari İnternational” təşkilatının Bakı klubunun təşəbbüsü ilə minadan zərər çəkmiş şəxslərin ailə üzvlərinə peşə öyrədilməsi və onların işlə təmin edilməsi üzrə 2006-cı ildən Gəncədə həyata keçirilən layihənin davam etdirilməsinə maliyyə yardımı haqqında “Ocaq” Humanitar Birliyinin direktoru Şahin Ramazanovla müqavilə bağlanacaq. Gəncədə fəaliyyət göstərən “Ocaq” Humanitar Birliyinin işi sayəsində minadan zərər çəkənlərin ailələrindən olan 10 nəfərə xalçaçılıq, 14 nəfərə dərzilik sənəti öyrədilib. /APA/