Sosial

Ana səhifə

Sosial

Uşaq hüquqlarının təbliği və müdafiəsi sahəsində seçilən qurum və şəxslər mükafatlandırılacaq

05 iyun 2007 12:40 (UTC +04:00)

Uşaq Hüquqları üzrə Azərbaycan QHT Alyansı Ailə, Qadın və Uşaq Problemləri üzrə Dövlət Komitəsi ilə birgə “Heç bir uşağı nəzərdən qaçırmayaq” kampaniyası çərçivəsində uşaq hüquqlarının təbliği və müdafiəsi sahəsində seçilən qurum və şəxsləri mükafatlandıracaq. APA-nın xəbərinə görə, bu barədə Uşaq Hüquqları üzrə Azərbaycan QHT Alyansı və Ailə, Qadın və Uşaq Problemləri üzrə Dövlət Komitəsinin təşəbbüsü ilə keçirilən tədbirdə bildirilib. Qeyd olunub ki, 2006-cı ilin xeyriyyəçi özəl şirkəti nominasiyasının qalibi olmuş “Azercell Telekom”un sponsorluğu ilə keçiriləcək mükafatlandırma mərasimi 7 nominasiya üzrə ilin qurum və şəxslərini müəyyən edəcək. May-iyun ayları ərzində QHT-lər arasında keçirilən sorğuya əlavə olaraq respublikanın 5 iri şəhər və rayonlarında əhali arasında sorğular təşkil ediləcək, bunun vasitəsilə 7 nominasiya üzrə namizədlər müəyyənləşəcək. Sorğuların iyunun 10-a kimi yekunlaşdırılması gözlənilir. İyunun 15-də isə Dövlət Filarmoniyasında qaliblərə mükafatların təqdim edilməsi mərasimi keçiriləcək. /APA/