Gürcüstan. Nizami Məmmədzadə - APA. Bu gün Azərbaycanın Gürcüstandakı səfiri Azər Hüseyn, səfirliyin əməkdaşları və bu ölkədə fəaliyyət göstərən Azərbaycan şirkətlərinin rəhbərləri Tiflis və Rustavi şəhərlərindəki parklarda ucaldılan Heydər Əliyevin abidəsini ziyarət ediblər. APA-nın Gürcüstan bürosunun məlumatına görə, Heydər Əliyevin 90 illiyi münasibətilə M. F. Axundzadə adına Mədəniyyət Mərkəzində Tiflis “İnterMedia” şirkətinin hazırladığı “Dostluğa çağırış” filminin nümayişi keçirilib. Tədbirdən sonra Azərbaycan səfiri Azər Hüseyn, rejissor Tengiz Txilava və Kvemo-Kartli qubernatorunun müavini Koba Kobiaşvili çıxış edərək Heydər Əliyev barədə ürək sözlərini söyləyiblər.
Qardabanidə də rayon rəhbərliyinin təşəbbüsü ilə Heydər Əliyevin 90 illiyi qeyd edilib.
Rumıniyanın paytaxtı Buxarest şəhərində də anma tədbiri keçirilib. Mərasim iştirakçıları ilk öncə Buxarestdəki Tey Parkı - Heydər Əliyev Xiyabanına toplaşıblar. Tədbirdə Heydər Əliyev Fondunun Rumıniyadakı nümayəndəliyi, Rumıniya-Azərbaycan Dostluq Cəmiyyəti, Rumıniya-Azərbaycan İkitərəfli Sənaye və Ticarət Palatası, Rumıniya-Azərbaycan Gənclər və Mədəniyyət Assosiasiyası, Qara dəniz – Xəzər dənizi əməkdaşlığı və tərəfdaşlığı üzrə beynəlxalq Fond, ARDNŞ-in Rumıniyadakı nümayəndəliyi və bu ölkədə təhsil alan azərbaycanlı tələbələr, türk-tatar icmasının üzvləri, Heydər Əliyev təqaüdçüləri, eləcə də Azərbaycansevər rumınlar iştirak ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
