Bakı. Kəmalə Quliyeva – APA. Tələbə Qəbulu üzrə Dövlət Komissiyası (TQDK) mərkəzləşmiş buraxılış imtahanlarında iştirak etməyən 22 min şagirdlə bağlı məlumatları Təhsil Nazirliyinə təqdim edib. Bu barədə APA-ya TQDK sədri Məleykə Abbaszadə bildirib. Onun sözlərinə görə, siyahıda ölkədəki bütün rayonlar və məktəblər üzrə buraxılış imtahanlarında iştirak etməyən şagirdlərlə bağlı rəqəmlər əks olunub: “Həmin rəqəmlərə dair araşdırmaları Təhsil Nazirliyinin müvafiq şöbəsi aparmalıdır. Biz bu məlumatları prezident yanında Təhsil Komissiyasına da təqdim etmişik”.
Qeyd edək ki, TQDK-nın bu ilin yayında açıqladığı rəqəmlərə əsasən, XI sinif üzrə buraxılış imtahanlarında 90 min şagird iştirak etməli olsa da, 78 min şagird iştirak edib. 9 illik baza üzrə isə imtahanda iştirak etməli olan 125 min şagirddən 115 mini imtahana qatılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
