Bakı – APA. Beynəlxalq dərəcəli azərbaycanlı referi Eldar Zülfüqarov qadın voleybolçular arasında Çempionlar Liqasına dəvət alıb. Apasport.az saytının məlumatına görə, həmyerlimiz qrup mərhələsinin II turu çərçivəsində keçiriləcək “Alba” (Rumıniya) – “Pyaçentsa” (İtaliya) matçında ədaləti qoruyacaq.
Sibiu şəhərində təşkil olunacaq qarşılaşmada Zülfüqarov ikinci hakim funksiyasını yetirəcək. O, makedoniyalı əsas referi Nikola Miçevskiyə yardım edəcək.
Qeyd edək ki, “Alba” – “Pyaçentsa” oyunu noyabrın 11-nə təsadüf edəcək.