Şəmkir. Azər Məmmədli – APA. Şəmkirdə meşə sahəsində yanğın baş verib.
APA-nın qərb bürosunun verdiyi məlumata görə, yanğın rayonun Abbaslı kəndi ərazisində olan meşəlikdə yaranıb.
Əvvəlcə kol-kos yansa da sonradan alov yaxınlıqda olan meşədə hündür ağaclara keçib. Hadisə yerinə Şəmkir Yanğından Mühafizə hissəsinin 3 avtomobili və xeyli sayda canlı qüvvəsi cəlb edilib.
Gəncədən də bir yanğınsöndürmə avtomobili kömək üçün əraziyə cəlb edilib. Alovun söndürülməsi istiqamətində iş gedir.