Bakı. Etibar Məmmədov - APA. Bu gün Bakı Ağır Cinayətlər Məhkəməsində quldurluqda təqsirli bilinən şəxsin məhkəməsi başa çatıb.
APA-nın məlumatına görə, hakim Novruz Kərimovun sədrliyi ilə keçirilən prosesdə Qusar rayon sakini Anar Məhərrəmova hökm oxunub. Məhkəmənin hökmü ilə A. Məhərrəmov 8 il müddətinə azadlıqdan məhrum edilib.
Qeyd edək ki, A. Məhərrəmov ötən ilin dekabrın 17-də rayon sakini Rizvan Əfəndiyevə məxsus evə basqın edib. O, ev sahibinin oğlu Abdulheyə zor tətbiq edib və oradan 720 manat və qızıl əşyalar aparıb. A. Məhərrəmov Cinayət Məcəlləsinin 181-ci (quldurluq) maddəsi ilə ittiham olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
