Rövşən Rzayev: "Yaranan vəziyyətin məsuliyyəti Ermənistan rəhbərliyinin üzərinə düşür"

Rövşən  Rzayev: "Yaranan vəziyyətin məsuliyyəti Ermənistan rəhbərliyinin üzərinə düşür"
# 02 aprel 2016 13:10 (UTC +04:00)

Bakı. Məlahər Nəcəfova - APA. Dünən - aprelin 1-dən 2-nə keçən gecə erməni separatçı qüvvələri cəbhənin Tərtər istiqamətində növbəti dəfə atəşkəsi pozublar. APA-nın məlumatına görə, bunu Milli Məclisin deputatı, Azərbaycan Respublikasının Dağlıq Qarabağ bölgəsinin Azərbaycanlı İcmasının İdarə Heyətinin üzvü Rövşən Rzayev Milli Məclisin Mətbuat xidmətinə bildirib.

Onun sözlərinə görə, gecə saatlarından başlayaraq bu hal daha da intensivləşib: "Ağır texnikalardan, iri çaplı silahlardan güclü şəkildə istifadə olunması yerli əhali üçün gözlənilməz olub və böyük təhlükə yaradıb. Dinc sakinlər arasında ölən və yaralananlar var. ATƏT-in Minsk qrupu çərçivəsində danışıqların davam etməsinə baxmayaraq qarşı tərəf atəşkəs rejiminin tələblərinə riayət etmir. Azərbaycanın məsələnin ərazi bütövlüyü çərçivəsində dinc və ədalətli yolla həll edilməsi cəhdlərinə əks tərəf daim təxribatlarla cavab verir. Ermənistan dövlətinin apardığı işğalçılıq və təcavüzkar siyasət münaqişənin uzanmasına və daha da gərginləşməsinə səbəb olur. Ona görə də bu atışmaların dərhal qarşısı alınmalı, ATƏT-in Minsk qrupu öz fəaliyyətini təcili gücləndirməlidir. Sülh danışıqları prosesi davam etdirilməlidir. Beynəlxalq təşkilatlar məsələyə münasibət bildirməli, atəşkəs bərpa olunmalıdır. Əks halda münaqişənin daha aktiv fazaya keçməsi üçün şərait yarana bilər və münaqişə regionda daha ağır nəticələrə səbəb olar. Bunun isə məsuliyyəti Ermənistan rəhbərliyinin üzərinə düşür.

Dağlıq Qarabağ

#
#

ƏMƏLİYYAT İCRA OLUNUR