Bakı-APA. İspaniyalı Rafael Nadal Monte-Karloda keçirilən və mükafat fondu 4,09 mln avro olan Peşəkar Tennis Assosiasiyasının turnirinin qalibi olub.
APA-nın TSS agentliyinə istinadən verdiyi məlumata görə, final matçında R. Nadal fransız Qeal Monfisi 7:5, 5:7, 6:0 hesabı ilə məğlub edib.
Bununla da R. Nadal doqquzuncu dəfə bu turnirin qalibi olub. Bu, ümumilikdə ispaniyalı tennisçinin karyerasında 68-ci tituludur.