Gəncə. Azər Məmmədli - APA. Gəncədə bir nəfərin xəsarət alması ilə nəticələnən yol-nəqliyyat qəzası baş verib. APA-nın qərb bürosunun verdiyi məlumata görə, hadisə şəhərin Dədə Qorqud küçəsində qeydə alınıb. Şəhərdə 11 saylı marşrut xətti üzrə sərnişin daşıyan “İsuzu” markalı avtobus, “Ford” və “VAZ-2106” markalı avtomobillər toqquşub. Qəza zamanı bir nəfər, 1959-cu il təvəllüdlü Azadxan İsmayılov müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib. Onun vəziyyətinin normal olduğu bildirilir.
Faktla bağlı Baş Dövlət Yol Polisi İdarəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
