Bakı-APA. Bağdad və Ankara Türkiyə ordusunun İraqın şimalında yerləşdirilməsi məsələsini özləri həll etməlidir. APA-nın “RİA Novosti”yə istinadən verdiyi xəbərə görə, bu barədə ABŞ Dövlət Departamentinin rəsmi nümayəndəsi Con Kirbi bildirib.
“Bizim inanırıq ki, bu məsələdə ən yaxşı yol – Türkiyə və İraqın qarşılıqlı şəkildə birgə çalışmasıdır. Onların arasında artıq diskussiyalar keçirilir”, deyə Kirbi Rusiyanın bu məsələni BMT TŞ-nın müzakirəsinə çıxarmaq təşəbbüsünə şərh verərkən bildirib.
“Bu problem Türkiyə və İraq arasındadır, onlar bunu nizamlamalıdırlar. Müdafiə nazirləri səviyyəsində danışıqların keçirilməsindən məmnunuq. Biz istərdik bu danışıqlar davam etdirilsin”, deyə o əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
