Ucar. Zahid Abışov - APA. Ucarda piyadaların xəsarət alması ilə nəticələnən yol qəzası baş verib. APA-nın yerli bürosunun xəbərinə görə, hadisə Ucar-Zərdab yolunun Ucar rayonunun Xalac kəndindən keçən hissəsində qeydə alınıb. Zərdab rayon sakini Zülfüqar Həsən oğlu Kərimov idarə etdiyi "VAZ-2106" markalı minik maşını ilə hərəkətdə olarkən yol kənarında olan Xalac kənd sakinləri, 32 yaşlı Səbuhi Adil oğlu Qənbərovu, 38 yaşlı Akif Musa oğlu Məmmədovu və Mingəçevir səhər sakini 33 yaşlı Şirin Zabit oğlu Axundovu vurub. Xəsarət alan hər üç şəxs Ucar Mərkəzi Rayon Xəstəxanasına yerləşdirilib. Onlara ilkin tibbi yardım göstərilib. Vəziyyətləri nisbətən ağır olan Ş. Axundov və S. Qənbərov Göyçay Mərkəzi Rayon Xəstəxanasına göndəriliblər.
İlkin ehtimala görə, hadisəyə havanın yağıntılı olması səbəb olub. Faktla bağlı Ucar Rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
