Bakı. Aqşin Rafiqoğlu - APA-Economics. “Bakcell” şirkəti 18-25 yaş arası tələbə və məzunlar üçün təşkil etdiyi “Smart Start” təcrübə proqramının yeni mövsümünün açılışını edir.
“Bakcell” şirkətindən “APA-Economics”ə verilən məlumata görə, bu proqram şirkətin müxtəlif şöbələrində peşəkar əməkdaşlarla birgə işləyərək, telekommunikasiya sahəsi üzrə dəyərli iş təcrübəsi toplamaq üçün əla bir fürsətdir.
Ənənəyə sadiq olaraq, şirkət təcrübə imkanlarını karyeralarının müxtəlif mərhələlərini keçən bütün şəxslər üçün təqdim edir. Bu ödənişli təcrübə proqramı həftədə 5 iş günü olmaqla 2016-cı ilin iyul ayından sentyabr ayınadək davam edəcək.
Bütün ərizələr bu ilin 20 aprelindən 10 mayadək təqdim edilməlidir. Bu ilin mayın 16-dan iyunu 16-dək keçiriləcək ilkin seçim prosesində namizədlər sınaq və qrup müsahibələrinə dəvət olunacaqlar.
İyunun 17-dən başlayaraq, təcrübə keçənlərin seçimi üzrə komitə bütün uyğun namizədlərlə fərdi və sahələr üzrə müsahibələr keçirəcək. Bu proses iyunun 27-də başa çatdırılacaq və “Smart Start” proqramının uğurlu namizədləri iyulun 1-də elan ediləcək.
Təcrübə proqramına başlamazdan əvvəl bütün seçilmiş namizədlərə “Bakcell” şirkəti tərəfindən daxili təlimlər keçiriləcək. Faktiki proqram bu il iyulun 1-də başlayacaq və sentyabrın 1-də başa çatacaq. Bu 2 aylıq dövr ərzində təcrübə keçənlər səmimi işçi heyətinin üzvləri kimi şirkətin gündəlik əməliyyatlarına fəal surətdə cəlb olunacaqlar.
Təcrübə proqramında iştirak etmək üçün namizəd aşağıdakı keçiddən istifadə edərək ərizə formasını doldurmalıdır: http://developtalent.bakcell.com/az
2015-ci ildə “Smart Start” təcrübə proqramında iştirak etmək üçün “Bakcell” şirkətinə 2000 nəfərdən çox namizəd müraciət edib. Telefon vasitəsilə 688 nəfərlə müsahibə aparılıb, onlardan 480 nəfəri sınaq və qrup müsahibələrindən keçmək üçün seçiliblər. Onlardan 190 nəfəri fərdi müsahibələrə dəvət olunaraq uğur qazanıb, 32 nəfər isə proqramda iştirak edib. Təcrübə keçənlər arasında proqramı müvəffəqiyyətlə bitirmiş ən fəal və perspektivli 3 gənc "Bakcell" şirkətində işlə təmin olunmaq imkanı əldə ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
