Tehran. Süleyman Fərzəliyev – APA. “Rusiyadan S-300 havadan müdafiə sistemlərinin alınması ilə bağlı ilkin mərhələsi icra olunmaqdadır. Bu sahədə koordinasiyalı işlər aparılır, tezliklə raket komplekslərinin ilk partiyası İrana veriləcək”.
APA-nın Tehran bürosunun məlumatına görə, bunu İran Xarici İşlər Nazirliyinin sözçüsü Hüseyn Cabiri Ənsari deyib.
Qeyd edək ki, 2007-ci ildə imzalanmış sazişə əsasən Rusiya İrana 40 ədəd S-300 PMU-1 tipli kompleks satacaq. Müqavilənin dəyəri 800 milyon dollardır. BMT Təhlükəsizlik Şurasının qətnaməsi müqavilənin icrasına qadağa qoysa da, 2015-ci ilin aprelində Tehran Qərblə ilkin nüvə razılaşması əldə etdikdən sonra Rusiya prezidenti Vladimir Putinin sərəncamı ilə qadağa aradan götürülüb.
H. Ənsari Qazaxıstan prezidentinin İrana səfərinə də toxunub. O bildirib ki, İran və Qazaxıstan arasında müxtəlif iqtisadi, siyasi və mədəni sahədə əməkdaşlıqla bağlı 40 sənəd imzalanacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
