Bakı. Vüsal Nəbiyev - APA-Economics. "Ələt limanında 110-115 hektar ərazidə azad iqtisadi zonanın yaradılması ilə bağlı Azərbaycan prezidenti İlham Əliyevə müraciət etmişəm". "APA-Economics" xəbər verir ki, bunu Azərbaycanda Amerika Ticarət Palatasının ("Amcham-Azerbaijan") üzvləri ilə görüşdən sonra "Bakı Beynəlxalq Dəniz Ticarət Limanı" QSC-nin baş direktoru Taleh Ziyadov jurnalistlərə bildirib.
"Bildiyiniz kimi, Ələt limanının sahəsi 450 hektardır. Bunun 110-115 hektarını azad iqtisadi zona olması ilə bağlı ölkə başçısına müraciət etmişəm. Əgər gələcəkdə də ehtiyac olarsa, ətraf ərazilərin də bura daxil olunması mümkündür", - deyə T. Ziyadov bildirib.