Bərdədə 13 yaşlı oğlanı it dişləyib. APA-nın Qarabağ bürosunun xəbərinə görə, hadisə rayonun Güloğlular kəndində baş verib. Kənd sakini Köçərli Elşad Rəşad oğlu küçədə sahibsiz itin hücumuna məruz qalıb. Yaxınları E.Köçərlini Bərdə Mərkəzi Rayon Xəstəxanasına çatdırıb. Xəstəxanada ona ilkin yardım göstərilib, quduzluq əleyhinə vaksin vurulub.
Bərdə Mərkəzi Rayon Xəstəxanasından verilən məlumata, son 10 gün ərzində 21 nəfər it dişləməsi xəsarəti ilə xəstəxanaya daxil olub.