Lənkəranda yol-nəqliyyat hadisəsi nəticəsində xəsarət alan şəxsin kimliyi məlum olub.
APA-nın cənub bürosunun məlumatına görə, 42-BP-409 dövlət nömrə nişanlı "Mercedes" markalı avtomobil ilə 42-BA-223 dövlət nömrə nişanlı VAZ-2107 markalı avtomobilin toqquşması nəticəsində VAZ-ın sərnişini - şəhər sakini, 1959-cu il təvəllüdlü Sevinc Tağı qızı Əsgərova xəsarət alıb.
S. Əsgərova Lənkəran Rayon Mərkəzi Xəstəxanasına yerləşdirilib. Ona ilkin tibbi yardım göstərilib, vəziyyətinin orta-ağır olduğu bildirilir.
Faktla bağlı araşdırma aparılır.
*** 14.24
Lənkəran şəhəri ərazisində yol-nəqliyyat hadisəsi olub.
APA-nın cənub bürosunun məlumatına görə, qəza zamanı VAZ-2107 markalı avtomobil "Mercedes" markalı avtomobillə toqquşub.
Hadisə nəticəsində xəsarət alan var. Həmin şəxs Təcili Tibbi Yardım maşını ilə Lənkəran Rayon Mərkəzi Xəstəxanasına çatdırılıb. Hazırda onun kimliyi dəqiqləşdirilir.