Abşeronda yük avtomobili yoldan keçən şəxsi vuraraq öldürüb.
APA-nın DİN-in saytına istinadən verdiyi məlumata görə, dekabrın 2-də saat 20 radələrində Abşeron rayonunun Hökməli qəsəbəsində avtomobil yolu keçən qəsəbə sakini Murad İsgəndərovu vurub. O, xəstəxanaya aparılarkən yolda ölüb.
Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən "ZİL" markalı avtomobilin sürücüsü, Qobu qəsəbə sakini Canpolad Kərimov saxlanılıb.
Faktla bağlı araşdırma aparılır.