Bakıda keçirilən atıcılıq üzrə Avropa çempionatında daha 4 dəst medal sahibini tapıb. Apasport.az saytının məlumatına görə, Azərbaycan idmançıları bu dəfə də mükafat qazana bilməyib. Buna səbəb atıcılıarımızın bu növlərdə iştirak etməməsi olub.
300 m məsafədən hədəfi nişan alan qadınların yarışında isveçli Elin Ahlin çempion adına yiyələnib – 594 xal. O, avstriyalı Oliviya Hoffmanı 3, həmyerlisi Anna Normanı 5 xal geridə qoyub.
Bu növdə komanda hesabında da İsveç 1-ci olub. Skandinaviyalı “üçlük” 1771 xal yığıb. Almaniya (1754) 2-ci, Estoniya (1751) 3-cü olub.
Oğlanlar 25 m məsafədən tapança ilə atəş açıblar. Fərdi yarışlarda 583 xal toplayan Ernests Erbs (Latviya) qalib gəlib. O, fransalı Eduard Dortombu 8, rusiyalı Danil Şixovu 9 xal arxada qoyub.
Komanda yarışında Rusiya 1715, Ukrayna 1713, Fransa 1708 xal toplayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
