"Bütün Türkiyə Ankaradakı Rusiya səfirinin qətlə yetirilməsini qınayır".
APA-nın Moskva müxbirinin verdiyi məlumata görə, bunu Moskvda səfərdə olan Türkiyə xarici işlər naziri Mövlud Çavuşoğlu bildirib.
O, baş vermiş hadisənin terror aktı olduğunu söyləyib: "Bu terror aktı təkcə Rusiyaya deyil, Türkiyəyə də qarşıdır".
***
00:11
Türkiyənin xarici işlər naziri Mövlud Çavuşoğlu Moskvaya gəlib.
APA-nın Moskva müxbirinin verdiyi məlumata görə, bu barədə Türkiyənin Moskvadakı səfirliyindən bildirilib.
Qeyd edək ki, sabah, dekabrın 20-də Moskvada Rusiya, Türkiyə və İran xarici işlər nazirlərinin Suriya münaqişəsinin həlli ilə bağlı üçtərəfli görüşü planlaşdırılır.