Bakı - APA. Xaçmaz rayonunun Üçgünqışlaq kəndində (rayon mərkəzindən 12 km aralı) vətəndaşa məxsus həyətyanı sahədə tikilmiş ümumi sahəsi 32 kv.m olan talvarın yanar konstruksiyaları və altına yığılmış 3,6 ton ot bağlamasının 2 tonu, ona bitişik tikilmiş, digər vətəndaşa məxsus ümumi sahəsi 40 kv.m olan talvarın yanar konstruksiyaları və altında yığılmış 4,5 ton ot bağlamasının 2,5 tonu yanıb.
APA-nın FHN-in saytına istinadən verdiyi məlumata görə, hər iki ot bağlamasının qalan hissəsi və yaxınlıqda olan fərdi yaşayış evi yanğından mühafizə olunub.
Yanğın yanğınsöndürənlər tərəfindən söndürülüb.