Yanvarın 22-də BMT Təhlükəsizlik Şurasında Suriyadakı vəziyyətlə bağlı məsləhətləşmələr keçiriləcək.
APA-nın RİA Novosti agentliyinə istinadən verdiyi xəbərə görə, bu barədə Fransanın xarici işlər naziri Jan-İv Le Drian bildirib.
Bundan əvvəl Fransa Suriyada son vəziyyətlə bağlı BMT Təhlükəsizlik Şurasının təcili iclasının çağırılmasını xahiş edib.
Qeyd edək ki, dünən Türkiyə Baş Qərargahı yerli vaxtla saat 17.00-da Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib. Bu gün isə Türkiyə ordusu Suriyanın Afrin bölgəsində quru əməliyyatına başlayıb.