“YouTube”un mənzil-qərargahında atəş açan qadın şirkətin apardığı siyasətdən narazı olub.
APA-nın RİA Novosti agentliyinə istinadən verdiyi xəbərə görə, bunu San-Bruno şəhərinin polis rəisi Ed Barberini bildirib.
“Hazırkı mərhələdə istintaq hesab edir ki, cinayəti törətməkdə şübhəli bilinən qadın “YouTube”-un siyasətindən və hərəkətlərindən narazı olub. İnsidentin motivləri məhz bu olub”, deyə E.Barberini qeyd edib.
Ötən gün San-Bruno şəhərində, “YouTube” şirkətinin mənzil-qərargahında silahlı insident baş verib. Bir müddət sonra atəşi açan 39 yaşlı Nasim Ağdam ölü tapılıb. Onun intihar etdiyi ehtimal olunur. Hadisə nəticəsində 4 nəfər yaralanıb, onlardan birinin vəziyyəti ağır kimi qiymətləndirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
