Çin yığmasını çalışdıran Marçello Lippi ölkəsinə qayıda bilər. Apasport.az saytı xarici mətbuata istinadən xəbər verir ki, italiyalı çalışdırıcının adı “Milan”la birgə hallanır.
Belə ki, “rossonyerlər”in baş məşqçisi postunda Vinçentso Montellanı məhz Lippinin əvəzləyəcəyi bildirilir.
69 yaşlı çalışdırıcı məsələ haqda münasibət bildirməyib. Onunla yanaşı, “Bavariya”dan ayrılan Karlo Ançelottinin də “Milan”ın “sükanı arxası”na keçmək variantı var.
Qeyd edək ki, əvvəllər İtaliya yığmasını və ölkəsinin bir neçə klubunu çalışdırmış Marçello Lippi heç vaxt “Milan”da işləməyib. O, Çin yığmasına ötən ildən rəhbərlik edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
