Maliyyə

Ana səhifə

Maliyyə

“InvestAZ”-dan dünya maliyyə bazarları ilə bağlı həftəlik analiz

07 may 2018 09:10 (UTC +04:00)

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında EUR/USD məzənnəsi 1.19$-ın üzərində ticarət edilməkdədir. Təhlillərə əsasən, qiymət 1.19$-ın üzərində qalmaqda davam edərsə, 1.21$-a kimi də bahalaşa bilər.

Bununla yanaşı, cümə axşamı Bakı vaxtı ilə saat 16:30-da açıqlanacaq Amerikanın inflyasiya ilə bağlı fundamental göstəriciləri də diqqət mərkəzindədir.

GBP

GBP/USD məzənnəsi 1.35$-ın üzərində ticarət edilməkdədir və qiymət sözügedən səviyyənin üzərində qalmaqda davam edərsə, 1.37$-a kimi də bahalaşa bilər.

Cümə axşamı saat 15:00-da yayımlanacaq İngiltərə Mərkəzi Bankının faiz qərarı da investorlar tərəfindən böyük maraqla gözlənilir.

TRY

Türkiyə bazarlarında isə dollar 4.29TL-a kimi bahalaşdıqdan sonra 4.24TL-ə kimi ucuzlaşıb və 4.22TL-ni aşağı istiqamətdə qırarsa, 4.16TL-ə kimi də ucuzlaşa bilər. Türkiyə iqtisadiyyatında risklərin artması, lirənin qiymətinə mənfi təsir edən amillər arasındadır.

OIL

Enerji bazarlarında isə Brent nefti bahalaşaraq, son 3 ilin maksimum səviyyəsini yeniləyib. Beləliklə, 75.60$-ın üzərində ticarət edilən bir barel üzrə qiymətin, bu səviyyənin üzərində qaldıqca, 78.08$-a kimi də dəyər qazanacağı proqnozlaşdırılır. Bu həftənin çərşənbə günü saat 18:30-da yayımlanacaq Amerikanın neft ehtiyatları ilə bağlı statistik məlumatlar da qiymətə güclü təsir edə bilər.

GOLD

Əlvan metallar bazarlarında qızılın bir unsiyası üzrə qiyməti 1315$-a (42.2 $/qram) ticarət edilir və burada da qiymət 1326$ (42.5 $/qram) və 1333$-a (42.8 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin

Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

_____________________________________________________________________________

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.