Kiprdə “Vasiliko” elektrik stansiyasında güclü yanğın baş verib.
APA-nın RİA Novosti agentliyinə istinadən verdiyi xəbərə görə, insident müəssisədə təmir işləri aparılarkən qeydə alınıb. Yanğının səbəbləri barədə rəsmi məlumat bu gün veriləcək.
Hadisə nəticəsində zərərçəkənlər barədə məlumat verilmir. Yerli hökumət yanğınla əlaqədar elektrik enerjisinin verilməsində fasilələrin yaranmayacağını bildirib.
Kiprin ən iri elektrik stansiyası olan “Vasiliko” adanın yarıdan çox ərazisini elektrik enerji ilə təmin edir.
Qeyd edək ki, 2011-ci ildə yaxınlıqda yerləşən hərbi bazada baş vermiş güclü partlayış ilə əlaqədar elektrik stansiyasına ciddi ziyan dəymişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
