Ötən ay Gürcüstanda iqtisadi artım 5,7% təşkil edib.
APA-nın yerli bürosunun Gürcüstanın Milli Statistika İdarəsinə istinadən verdiyi məlumata əsasən, ölkədə bu ilin 10 ayında orta iqtisadi artım 4,9% olub.
Oktyabr ayında iqtisadi artım ən çox hotel və restoranlar, istehsal, ticarət və nəqliyyat sahələrində qeydə alınıb.
Ötən ayın digər iqtisadi göstəricilərinə gəlincə, aylıq inflyasiya 0,8% olub. İstehlak qiymətləri isə sentyabr ayı ilə müqayisədə 1,1% artıb.
Gürcüstanın yanvar-oktyabr aylarında xarici ticarət dövriyyəsi ötən illə müqayisədə 12,7% artıb.
Oktyabr ayında Gürcüstanda 5468 müəssisə qeydiyyatdan keçib ki, bu da ötən illə müqayisədə 48,5% çoxdur.
Dövlət büdcəsinin gəlirləri 833,1 mln. lari, xərcləri isə 807,1 mln. lari təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
