İtaliyanın Peskara əyalətində qar uçqunu altında qalmış hoteldə ölənlərin sayı 6 nəfərə çatıb.
APA-nın RİA Novosti agentliyinə istinadən verdiyi xəbərə görə, ötən axşam xilasedicilər qarın altından daha bir nəfərin meyitini çıxarıblar.
Bundan əvvəl hadisə nəticəsində 5 nəfərin öldüyü bildirilirdi, 23 nəfər itkin düşmüş hesab edilir.
Davam edən xilasedici əməliyyat nəticəsində 11 nəfər xilas edilib. Yanvarın 19-da baş verən qar uçqununun güclü zəlzələnin fəsadlardan biri olduğu ehtimal edilir.