Argentina paytaxtı Buenos-Ayresin “Xorxe Nyuberi” hava limanında yanğın baş verib.
APA-nın TASS agentliyinə istinadən verdiyi xəbərə görə, bütün sərnişinlər təxliyə edilib, aeroportun fəaliyyəti müvəqqəti olaraq dayandırılıb.
İnsident nəticəsində zərərçəkən olub-olmadığı barədə məlumat verilmir. “Xorxe Nyuberi” hava limanına enməli olan təyyarələr Buenos-Ayresin ətrafında yerləşən “Eseysa” aeroportuna yönəldilir. Yanğının səbəbləri araşdırılır.