Gəncədə avtomobil piyadanı vurub.
APA-nın qərb bürosunun verdiyi məlumata görə, hadisə şəhərin Nizami Gəncəvi prospektində baş verib.
Yolu keçmək istəyən 1938-ci il təvəllüdlü Cəfərov Allahverdi Haqverdi oğlu VAZ 2106 markalı minik avtomobil tərəfindən vurulub. Xəsarət alan şəxs Gəncə şəhər Təcili Tibbi Yardım xəstəxanasına yerləşdirilib, vəziyyətinin orta ağır olduğu bildirilir.
Faktla bağlı hüquq-mühafizə orqanları tərəfindən araşdırma aparılır.