ANAMA Ağdamda ev və həyətyanı sahəyə baxış keçirib

ANAMA Ağdamda ev və həyətyanı sahəyə baxış keçirib
# 24 oktyabr 2016 15:57 (UTC +04:00)

Bakı. Fərid Mirzəyev – APA. Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) tərəfindən Ağdam rayonunun Zəngişalı kəndində 1 ev və həyətyanı sahəyə baxış keçirilib.

ANAMA-dan APA-ya verilən məlumata görə, FHN-nin Böhran Vəziyyətlərində İdarəetmə mərkəzinə daxil olmuş məlumat əsasında keçirilən baxış zamanı partlamamış hərbi sursat aşkar edilməyib, nəticə etibarilə 200 kv.m ərazi yoxlanılıb.


Ümumilikdə Agentlik tərəfindən 7 Aprel – 24 oktyabr 2016-cı il tarixlərində Zərdab, Tərtər, Ağcabədi, Ağdam, Bərdə, Füzuli, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara, Salyan rayonlarında, Mingəçevir, Sumqayıt, Gəncə, Lənkəran, Şirvan və Bakı şəhərlərində 649 ev və həyətyanı sahə, 3 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 1 metal anbarı, 30 ferma, əkin sahələri, 1 çaxır zavodu, 1 qoruq ərazisi və 1 çınqıl karxanası ərazisinə baxış keçirilib, 3 947 ədəd partlamamış hərbi sursat, 15 ədəd piyada əleyhinə mina (PMN), 3 ədəd piyada əleyhinə mina (POMZ-2), 1 ədəd piyada əleyhinə mina (OZM-72), 2 ədəd “siqnal minası” və 42 ədəd tank əleyhinə mina aşkar olunaraq zərərsizləşdirilib.

#
#

ƏMƏLİYYAT İCRA OLUNUR