2016-cı ilin yanvar-noyabr aylarında Naxçıvan Muxtar Respublikasında bank və kredit təşkilatları tərəfindən hüquqi və fiziki şəxslərə 39 mln. 798 min 900 manat məbləğində kreditlər verilib.
“APA-Economics” xəbər verir ki, bu barədə Naxçıvan Muxtar Respublikası Dövlət Statistika Komitəsinin mətbuat xidməti məlumat yayıb.
Kreditlərin 10 mln. 13 min 600 manatı və yaxud 25,2%-i qısamüddətli, 29 mln. 785 min 300 manatı və yaxud 74,8%-i uzunmüddətli kreditlər olub.
Qeyd edək ki, son 1 ildə Naxçıvanda hüquqi və fiziki şəxslərə verilən kreditlərdə 39,83% azalmaq qeydə alınıb. Xatırladaq ki, ötən ilin müvafiq dövründə bu göstərici 66 mln. 141 min manat olub.
1 dekabr 2016-cı il tarixə muxtar respublikanın banklarında açılmış bank hesablarının sayı 56908-ə çatıb ki, bunun da 48970-i və ya 86,1%-i aktiv hesablardır. 2016-cı ilin yanvar-noyabr aylarında açılmış 14631 bank hesabının 14630-u aktiv hesablar olub.
Muxtar respublikada quraşdırılmış POS-terminalların sayı 1 dekabr 2016-cı il tarixə 1191-ə çatdırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
