Stolüstü oyunlar

Stolüstü oyunlar

Azərbaycan yığması Avropa çempionatında növbəti qələbəsini qazanıb

10 noyabr 2011 07:21 (UTC +04:00)

Apasport.az saytının məlumatına görə, yarışda VII turun oyunları baş tutub.

Bu dəfə Bolqarıstan yığması ilə qarşılaşan kişilərdən ibarət Azərbaycan milli komandası növbəti qələbəsini bayram edib. Vladimir Tukmakovun yetirmələrindən yalnız Teymur Rəcəbov güclü Veselin Topalovla heç-heçəyə razılaşıb. Digər zəka sahiblərimiz isə rəqiblərini mat ediblər. Bu qələbə təmsilçilərimizi Avropa çempionatının vahid liderinə çevirib.

Şahmatçılarımız bu gün Almaniya komandası ilə üz-üzə gələcək.

VII tur
Kişilər
BOLQARISTAN – AZƏRBAYCAN – 0,5:3,5
Veselin Topalov (2768) - Teymur Rəcəbov (2781) – 0,5:0,5
İvan Çeparinov (2650) – Vüqar Həşimov (2757) – 0:1
Aleksandr Delçev (2629) - Şəhriyar Məmmədyarov (2733) – 0:1
Yulian Radulski (2565) – Eltac Səfərli (2630) - 0:1

7 turdan sonra turnir cədvəli: 1. Azərbaycan - 12 (şəxsi göstərici 18,5), 2. Ermənistan - 11 (18), 3. Almaniya - 11 (17,5), 4-5. Macarıstan, Rumıniya - 10 (17), 6-7. Bolqarıstan, Hollandiya - 10 (15,5)...

Qadınlar

Qadınlardan ibarət Azərbaycan yığmasının isə qələbə seriyası qırılıb. Son turlarda uğurlu çıxış sayəsində 10-cu yerə yüksələn Fikrət Sideyfzadənin yetirmələri Çexiya millisi ilə dueldən məğlub ayrılıb. Xal itkisi komandamızın 3 pillə geriləməsi ilə nəticələnib. Təmsilçilərimiz VIII turda Avstriyanı sınağa çəkəcək.

AZƏRBAYCAN – ÇEXİYA – 1:3
Zeynəb Məmmədyarova (2314) – Yeva Kulanova (2297) – 0:1
Nərmin Kazımova (2241) – Katerina Nemçova (2276) – 0,5:0,5
Gülnar Məmmədova (2290) – Kristina Havlikova (2285) - 0,5:0,5
Nərgiz Umudova (2210) – Tereza Olsarova (2232) - 0:1

7 turdan sonra turnir cədvəli: 1. Rusiya – 13 (19,5), 3. Polşa – 11 (18,5), 3. Ukrayna – 10 (17,5), 4-5. Gürcüstan, Fransa – 10 (17)... 13. Azərbaycan – 7 (14,5)... 15. Avstriya – 7 (13,5)...