Bakı – APA. Qadın şahmatçılar arasında Azərbaycan çempionatı başa çatıb. Apasport.az saytının məlumatına görə, 20 zəka sahibinin qatıldığı yarışın qalibi adını Zeynəb Məmmədyarova qazanıb.
Azərbaycan millisinin lideri 9 turun yekununa əsasən 7 xal toplayaraq, bütün rəqiblərini qabaqlayıb. Çempionatda ikinci yeri Nərmin Kazımov tutub. O, ilk “üçlüyü” qapayan Nərmin Məmmədova kimi 6 xal toplasa da, əlavə göstəricilərdə rəqibindən üstün olub.
Qeyd edək ki, 2014-cü ildə keçirilən ölkə çempionatının mükafatçıları bu dəfə zəif oyunları ilə diqqət çəkiblər. Çempion Xəyalə Abdulla 7-ci, ikinci yerin sahibi Gülnar Məmmədova (hər ikisi 5,5) 9-cu və bürünc medalçı Aytən Əmrayeva 10-cu (4,5 xal) pilləni tutub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
