Bakı-APA. Vergi xidməti əməkdaşları arasında Heydər Əliyevin anadan olmasının 90-cı ildönümünə həsr olunmuş ənənəvi şahmat turnirinə yekun vurulub. Vergilər Nazirliyinin Analitik informasiya şöbəsindən APA-ya verilən məlumata görə, turniri Vergilər Nazirliyi, Gənclər və İdman Nazirliyi və Azərbaycan Şahmat Federasiyasının dəstəyi ilə keçirib. Yarışlara aprel ayının 6-da start verilib. Turnirdə Nazirliyin struktur vahidlərinin əməkdaşları iştirak ediblər. Yarışlar Olimpiya sistemi üzrə keçirilib.
Turnirin qalibi Vergilər Nazirliyinin Aparatından Əli Həsənov olub. Nazirliyin Vergi siyasəti və strateji araşdırmalar Baş İdarəsinin əməkdaşı Babək İbrahimov turnirdə 2-ci yeri tutub. 3-cü yer uğrunda yarışda Vergilər Nazirliyi yanında Vergi Auditi Departamentinin əməkdaşı Azay Məmmədov qalib gəlib. Turnirdə yüksək nəticələr göstərmiş əməkdaşlar mükafatlandırılıblar. Tədbirə qatılan şahmat üzrə qrossmeyster Sərxan Quliyev yarış iştirakçıları ilə eyni zamanda oyun seansı keçirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
