Bakı. Şəhriyar Əlizadə - APA. Bakıda idman salonundan oğurluq edən şəxslər saxlanılıb.
APA-nın DİN-in saytına istinadən verdiyi məlumata görə, avqustun 13-də Qaradağ rayonunun Sahil qəsəbəsində yerləşən idman salonlarından birinin yardımçı otağındakı dolabdan qəsəbə sakini Orxan Kərimova məxsus mobil telefon oğurlanıb.
Qaradağ rayon 38-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən rayon sakinləri Cahangir Məmmədov, Kamran Hüseynov və Cavid Bədəlov tutulub.
Faktla bağlı araşdırma aparılır.