Bakı - APA. Heydər Əliyev Mərkəzində konsert verəcək məşhur akkordeon ustası Paskal Konte və Fransadan olan “Səyyah kvartet”in üzvləri artıq Bakıdadırlar.
Heydər Əliyev Mərkəzindən APA-ya verilən məlumata görə, pnlar bu gün İçərişəhəri gəzib, müxtəlif əsrlərə aid nadir tarixi-memarlıq abidələri, o cümlədən Şirvanşahlar Saray Kompleksi ilə tanış olublar. Musiqiçilər Azərbaycan mətbəxinin ləziz neməti olan təndir çörəyinin dadına baxıblar.
Qeyd edək ki, mayın 5-də keçiriləcək konsertdə fransalı musiqiçilər məşhur tanqo ritmlərini modern üslub və aranjemanda təqdim edəcəklər.