Bakı-APA. İstanbulda avtobus parkında güclü yanğın baş verib.
APA-nın “Anadolu” agentliyinə istinadən verdiyi məlumata görə, avtobusların birində əmələ gələn yanğın digər nəqliyyat vasitələrinə keçib.
Hadisə nəticəsində 4 avtobus tamamilə yararsız hala düşüb. Hadisə yerinə cəlb edilən yanğınsöndürənlər yanğını lokallaşdıraraq söndürüblər. Zərərçəkən yoxdur.
İnsidentin başvermə səbəbləri bəlli deyil. Faktla bağlı araşdırma aparılır.