Bakı. Aqşin Rafiqoğlu - APA-Economics. 2015-ci ildə "Azərlotereya" ASC tərəfindən keçirilmiş lotereya oyunları üzrə 26 913 153 ədəd lotereya bileti satılıb.
İqtisadiyyat Nazirliyindən "APA-Economics"ə verilən məlumata görə, lotereya biletlərinin satışından 27 684 254 manat vəsait əldə olunub. Bu vəsaitin 17 997 972 manatı uduş fonduna sərf olunub ki, bu da satış həcminin 65%-ni təşkil edib.
Belə məlum olur ki, uduş fonduna yönəldilən vəsaiti çıxsaq, "Azərlotereya" bilet satışından 9 686 282 manat əldə edib.
Ötən il "Azərlotereya" ASC tərəfindən keçirilmiş lotereya oyunlarında 156 avtomobil və 21 "Cek Pot" ("Cek Pot"ların ümumi məbləği 1 562 630 manat) udulub. Bu "Cek Pot"lardan ən iri məbləğlər "5/36" lotereyasının 1253-cü tirajında - 205 370 manat, "6/40" lotereyasının 825-ci tirajında - 159 305 manat və "Super Loto"nun 118-ci tirajında - 196 000 manat qazanılıb.
Şəffaflığın təmin olunması məqsədilə tirajlar televiziyada nümayiş olunub, qaliblər haqqında ətraflı məlumat KİV vasitəsilə ictimaiyyətə çatdırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
