Bakı. Mübariz Aslanov – APA. Azərbaycanda bu il deputatın etik davranışı ilə bağlı yeni qanun layihəsi müzakirəyə çıxarılacaq. Milli Məclisdən APA-ya verilən məlumata görə, parlamentin Hüquq siyasəti və dövlət quruculuğu komitəsi tərəfindən hazırlanan qanun layihəsi üzərində hazırlıq artıq başa çatmaq üzrədir.
Qanun layihəsinin müzakirəsi parlamentdə 2016-cı ilin payız sessiyasının gündəliyinə daxil edilib. Qanunda deputatın etik davranışlarını müəyyən edən bir sıra məqamlar və tələblər əks olunub.