Bakı-APA. AMEA nəzdində Respublika Seysmoloji Xidmət Mərkəzi (RSMX) ilə Azərbaycan Milli Aviasiya Akademiyası arasında elmi əlaqələr genişləndiriləcək.
RSMX-nin informasiya şöbəsindən APA-ya bildirilib ki, Milli Aviasiya Akademiyasının Elmi tədqiqat nəqliyyat və aviakosmik problemləri institutunun (ETNAPİ) direktoru, akademik Bahadur Tağıyevin rəhbərlik etdiyi nümayəndə heyəti AMEA nəzdində Respublika Seysmoloji Xidmət Mərkəzində olub.
RSXM-in baş direktoru, AMEA-nın müxbir üzvü Qurban Yetirmişli ilə görüşən qonaqlar həmçinin mərkəzin Monitorinq Mərkəzinə də baş çəkiblər. Qonaqlara baş verən zəlzələlər, onların qeydiyyatı, telemetrik stansiyaların işi və alınmış materialların emalına dair ətraflı məlumat verilib.
Görüşdə AMEA nəzdində RSXM və Milli Aviasiya Akademiyası arasında əməkdaşlığın dərinləşdirilməsi və birgə elmi tədqiqatların aparılmasının gələcək perspektivləri müzakirə olunub.
müzakirə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
