Bakı. Aqşin Rafiqoğlu – APA-Economics. Rabitə və Yüksək Texnologiyalar Nazirliyinin (RYTN) “Telefon nömrəsi üzrə axtarış” elektron xidməti oktyabr ayında “Elektron hökumət” portalı vasitəsi ilə ən çox müraciət olunan 20 e-xidmət arasında 3-cü mövqedə qərarlaşıb.
RYTN-dən “APA-Economics”ə verilən məlumata görə, ötən ay istifadəçilər bu xidmətdən 67 729 dəfə faydalanıblar.
Xidmətdən yararlanmaq istəyən istifadəçi telefon nömrəsini daxil etdikdən sonra bir sıra məlumatları əldə etmək imkanına malik olur.
Bu məlumatlar içərisində nömrə sahibinin adı, soyadı, yaşadığı ünvan, abunəçinin növü, vətəndaşın şəhərlərarası və beynəlxalq danışıqlar üzrə borcları, ADSL internet borcları və s. qeyd etmək olar. Elektron xidmət həmçinin istifadəçilərə borclarını onlayn şəkildə ödəmək imkanı verir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
