Bakı – APA. Londonda BMT-nin sülhməramlı əməliyyatları mövzusunda müdafiə nazirlərinin görüşü keçirilir.
APA-nın Müdafiə Nazirliyinin saytına istinadən verdiyi məlumata görə, görüşdə müdafiə naziri general-polkovnik Zakir Həsənov iştirak edir.
Tədbir Böyük Britaniyanın müdafiə naziri Maykl Fallon təşəbbüsü ilə təşkil olunub. Bu görüş ötən ilin sentyabrında BMT-nin baş katibi Pan Gi Mun və ABŞ prezidenti Barak Obama tərəfindən 50-ə yaxın ölkə başçısı ilə dünyada sülhməramlılığın qorunmasına dair keçirilən görüşün davamı və bu sahədə görülən qlobal işlərin daha da sürətləndirilməsi xarakteri daşıyır.
Görüşdə 80-ə yaxın ölkənin müdafiə naziri iştirak edir.