Bakı. Türbət Bağırova - APA. Azərbaycan Turizm və Menecment Universitetinin tələbələri ilə Misir Ərəb Respublikasının Azərbaycandakı səfirliyinin Mədəniyyət və Təhsil Əlaqələri Mərkəzində görüş keçirilib.
Misir Mədəniyyət Mərkəzindən APA-ya verilən məlumata görə, Misir Mədəniyyət və Təhsil Əlaqələri Mərkəzinin müdiri Əhməd Sami Elaydi tələbələri salamlayaraq, onlara Mərkəzin fəaliyyət istiqamətləri, Misirin tarixi və turizmi haqqında məlumat verib.
Azərbaycan Turizm və Menecment Universitetinin tələbələrini maraqlandıran suallara cavab verən Əhməd Sami Elaydi tələbələr üçün Misirin turizm zonalarında istehsalat təcrübəsi keçmək imkanları barədə də məlumat verib.
Görüşün sonunda Mədəniyyət Mərkəzinin rəhbəri və tələbələr arasında bir sıra təkliflərlə bağlı fikir mübadiləsi aparılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
