Bakı-APA. Braziliyada təşkil olunan Yay Olimpiya Oyunları davam edir.
Apasport.az saytının məlumatına görə, bu gün mübarizəyə xanım güləşçilər də qoşulub.
1/8 final mərhələsindən yarışlara başlayan Yuliya Ratkeviç (56 kq) yarımfinalda yaponiyalı Kaori İço ilə qarşılaşıb. Rəqibinə 0:10 hesabı ilə məğlub olan güləşçimiz mübarizəni bürünc medal uğrunda davam etdirib. Onun rəqibi tunisli Mərvə Əmri olub. Rəqibinə 3:6 hesabı ilə məğlub olan Yuliya Ratkeviç Olimpiya Oyunlarını beşinci pillədə başa vurub.