Bakı-APA. Honkonqda etirazçılarla polis arasında baş verən toqquşmalar nəticəsində azı 48 nəfər xəsarət alıb.
APA-nın RİA Novosti agentliyinə istinadən verdiyi xəbərə görə, hadisə nəticəsində 23 nəfər, o cümlədən insidenti işıqlandıran 4 jurnalist saxlanılıb.
Məlumata əsasən, yerli ticarətçilər və onların fəaliyyətini yoxlamaq üçün gələn Ərzaq və Gigiyena Departamentinin nümayəndələri arasında münaqişə baş verib.
Toqquşmalar yerli radikalların ticarətçiləri müdafiə etməsindən sonra başlayıb. Polislər etirazçılara qarşı dəyənək və gözyaşardıcı qazdan istifadə edib. Münaqişənin səbəbləri barədə məlumat verilmir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
